ხმა არის ტანსაცმლისა და აქსესუარების ბრენდი, რომლის მიზანია პოზიტიური გავლენა მოახდინოს მომხმარებელზე.
როგორ გაჩნდა თავდაპირველი იდეა და საიდან იწყება “ხმა” -ს ისტორია?
სულ მინდოდა რაიმე ისეთი გამეკეთებინა რაც დამატებით შემოსავალს გამიჩენდა და რისი საშუალებითაც ერთი მხრივ მექნებოდა ხალხთან ურთიერთობა და მეორე მხრივ შევძლებდი სხვებისთვის მიმეცა მოტივაცია, საკუთარი თავის რწმენა. სწორედ აქედან გაჩნდა სურვილი შემექმნა ბრენდი ხმა.
რატომ არის “ხმა”-ს არსებობა საჭირო დღეს ქართული ბაზრისთვის?
დღევანდელ რეალობაში ცხოვრებას უნდა დაეწიო რაღაცეებს ვერ ასწრებ, ხშირად საზოგადოების გარკვეულ ნაწილს აქვს განცდა, რომ ისინი არასაკმარისები არიან. ხმა ორიენტირებულია იმაზე რომ მომხმარებელს უთხრას რომ საკმარისია, ძალიან კარგია და შეიყვაროს საკუთარი თავი. ხმა სწორედ ამ შინაარს ატარებს და მნიშვნელოვანია ფინანსური ინტერესების მიღმა არსებობდნენ ბრენდები რომლებიც ადამიანების მეგობრები იქნებიან.
ყველაზე დიდი სირთულე და გამოწვევა, რასაც ბიზნესის კეთების პროცესში გადააწყდით?
ყველაზე რთული აღმოჩნდა ისეთი გუნდის წევრების მოძიება, რომლებიც ბრენდის იდეოლოგიას გაიზიარებდნენ.
გვესაუბრეთ SMEDA-ს როლზე თქვენი ბიზნესის განვითარებაში?
სმედა ჩემთვის იყო ძალიან დიდი შესაძლებლობის ფანჯარა, გადავაფასე ბევრი რამე როგორც საკუთარ თავში ისე ჩემს ბრენდში. Სტარტას პროგრამამ მომცა ბევრი პასუხი და გამიჩინა კითხვები, რაც ძალიან მნიშვნელოვია ზრდისთვის, განვითარებისთვის. ამ პერიოდის მანძილზე შევიძინე ახალი მეგობრები, კონტაქტები და უნარები.
რა მიმდინარე სიახლეები გაქვთ და სამომავლო გეგმებიც გაგვიზიარეთ?
2024 წელს გვინდა ფიზიკურად ვიყოთ წარმოდგენილი ჩვენს სივრცეში და ამ საკითხზე უკვე ვმუშაობთ. ამასთან ვაპირებთ პროდუქციის გაზრდას და მომხმარებლისთვის სიახლეების შეთავაზებას.
რა რჩევას / რეკომენდაციას მისცემდით იმ ადამიანებს, რომელთაც ბიზნესის დაწყება უნდათ, მაგრამ ამ ნაბიჯის გადადგმა უჭირთ?
შინაგან ხმას უსმინონ და არ შეეშინდეთ შეცდომების დაშვების.
წევრობის მიღების შემთხვევაში თქვენ წვდომა გექნებათ ექსკლუზიურ შეთავაზებებსა და ინფორმაციაზე
გაწევრიანდი