სომხეთში 2011 წლიდან არსებული მცირე და საშუალო ბიზნესის განმარტება შეესაბამება ევროკავშირის განმარტებას, რადგან ის ეფუძნება სამ კრიტერიუმს, რომელიც მოიცავს დასაქმებას, ბიზნესის ბრუნვას და ბალანსს.

2018 წლის მონაცემებით, მცირე და საშუალო საწარმოები შეადგენენ საწარმოების 99.8%-ზე მეტს, მათგან 93.6%-ს კი მიკროსაწარმოები შეადგენენ. მცირე და საშუალო ბიზნესში დასაქმებულების რაოდენობა შეადგენს მთლიანი დასაქმების 68%-ს და აწარმოებს ბიზნეს სექტორში დამატებული ღირებულების დაახლოებით 60%-ს, რაც საკმაოდ დადებითი მაჩვენებელია.

სომხეთში მცირე და საშუალო ბიზნესის უმეტესობა კონცენტრირებულია შედარებით დაბალი დამატებითი ღირებულების საქმიანობაში, როგორიცაა საბითუმო და საცალო ვაჭრობა (64%) და წარმოება (10%).

სომხეთი აწარმოებს პროაქტიულ მცირე და საშუალო ბიზნესის პოლიტიკას 2000-იანი წლების დასაწყისიდან და წლების განმავლობაში მან ჩამოაყალიბა შედარებით მოწინავე ინსტიტუციური პოლიტიკის ჩარჩო, მიუხედავად მკაფიოდ განსაზღვრული მცირე და საშუალო ბიზნესის განვითარების სტრატეგიის არარსებობისა. მცირე და საშუალო ბიზნესის პოლიტიკის შემუშავებისა და კოორდინაციის მანდატი სომხეთში ეკონომიკის სამინისტროს მიენიჭა. მცირე და საშუალო ბიზნესის განვითარების ეროვნული ცენტრი (SME DNC), რომელიც დაარსდა 2002 წელს, პასუხისმგებელია SME მიმართულებით პოლიტიკის განხორციელებაზე. მისი შტაბ-ბინა ერევანშია და რეგიონებში წარმოდგენილია ათი რეგიონული ოფისის მეშვეობით.