Matex Academy - ციფრული აკადემია

Martex Academy - შენი გზამკვლევი ციფრულ სამყაროში!

რა არის Martex Academy?

Martex Academy „მცირე და საშუალო მეწარმეობის განვითარების ასოციაციის (SMEDA)“ შვილობილი ბრენდია, რომელიც UNDP-ის და ევროკავშირის მხარდაჭერით შეიქმნა და მიზნად ისახავს ციფრული უნარების ამაღლების ხელშეწყობას და ციფრული განათლების პოპულარიზაციას როგორც თბილისში, ასევე რეგიონებში.

ციფრული აკადემია მომხმარებელს ეტაპობრივად შესთავაზებს სხვადასხვა თემატიკის, დიზაინისა და ხანგრძლივობის სასწავლო კურსებს, როგორც ციფრული მარკეტინგის, ისე IT მიმართულებებით.

Martex/მარტექსი - ციფრული მარკეტინგის სერვისები

სოციალური მედიის მართვა, იმეილ მარკეტინგი, კონტენტ მარკეტინგი, ქოფირაითინგი, SEO და ა.შ. ეს ის ტერმინები, რომელიც უკვე ყოველდღიურად გვესმის და რეალურად ის სერვისებია, რომელიც სულ უფრო სწრაფად ანაცვლებს ტრადიციულ მარკეტინგს. მიზეზი მარტივია - ციფრული მარკეტინგი სულ უფრო პრაქტიკული ხდება იმისთვის, რომ სამიზნე აუდიტორიასთან უფრო მარტივად და ეფექტურად მივიტანოთ ჩვენი სათქმელი, თან ოპტიმიზებული ხარჯების პირობებში. 

Რა არის Martex? 

Martex “მცირე და საშუალო მეწარმოების განვითარების ასოციაციის (SMEDA)“ და USAID-ის ეკონომიკური მმართველობის პროგრამის ფინანსური მხარდაჭერით შექმნილი ციფრული მარკეტინგის სააგენტოა, რომელიც მომხმარებელს მთელი ქვეყნის მასშტაბით სთავაზობს ყველაზე მოთხოვნად ციფრული მარკეტინგის სერვისებს.

Martex-ის გუნდი შედგება პროფესიონალებისგან, რომლებიც ყოველთვის მზად არიან შეეჭიდონ ნებისმიერი სირთულის ამოცანას და რაც მთავარია - ორინტირებულნი არიან დამკვეთთან წინასწარ შეთანხმებული გეგმის სრულყოფილად შესრულებაზე

ციფრული უნარების განვითარების პროგრამა

"მცირე და საშუალო მეწარმოების განვითარების ასოციაცია (SMEDA)" იწყებს პროექტს ხულოში, ქედასა და ლაგოდეხში, რომლის მიზანია აღნიშნულ მუნიციპალიტეტებში მცხოვრებ ახალგაზრდებს დავეხმაროთ ციფრული უნარების განვითარებაში. კერძოდ, პროექტის ფარგლებში თითოეული მუნიციპალიტეტიდან შერჩეული იქნება 30 ახალგაზრდა, რომლებიც გაივლიან სოციალური მედია მენეჯმენტის და ციფრული უნარების კურსს, რომლის შემდგომაც შეძლებენ ეფექტურად დასაქმდნენ როგორც ადგილობრივად, ისე დისტანციურად.

ტრენინგები ჩატარდება პროექტის ფარგლებში შექმნილი ბრენდის Martex Academy-ს ფარგლებში და  კურსს გაუძღვებიან მდიდარი პრაქტიკული გამოცდილების მქონე მენტორები. ტრენინგი შედგება 14 შეხვედრისგან, რომელზეც განხილული იქნება როგორც თეორიული, ისე პრაქტიკული საკითხები, ისე, რომ კურსის დასრულების შემდეგ მსმენელს შესაძლებლობა ჰქონდეს დამოუკიდებლად განახორციელოს სოციალური ქსელების მართვა. 

ტრენინგების დასრულების შემდეგომ SMEDA იზრუნებს, რომ კურსდამთავრებულებმა პრაქტიკა გაიარონ SMEDA-ს წევრ და პარტნიორ ორგანიზაციებში, ასევე პოტენციურად იგივე ან სხვა კომპანიებში ჩაერთონ სტაჟირების პროგრამაში. 

პროექტის განხორციელების პერიოდია 2022 წლის ივნისი-სექტემბერი. გთხოვთ, დაინტერესების შემთხვევაში აპლიკაცია შეავსოთ არაუგვიანეს 24 ივნისისა. 
ტრენინგები ჩატარდება ონლაინ რეჟიმში.

კითხვების შემთხვევაში დაგვიკავშირდით: 555140773, 571828558

ციფრული ტრანსფორმაციის ხელშეწყობის პროექტი ქალი მეწარმეებისთვის

SMEDA-მ დაიწყო ციფრული ტრანსფორმაციის ხელშეწყობის პროექტი აჭარის მთიანეთში არსებული მცირე და საშუალო ბიზნესებისთვის, რომელსაც ფლობენ ან მართავენ ქალები.

კერძოდ, ხულოს და ქედას მუნიციპალიტეტებში შერჩეული არიან ქალი მეწარმეები, რომლებიც გადიან ციფრულ ტრანსფორმაციასთან დაკავშირებულ ვორქშოფებს, მენტორებთან ერთად მუშაობენ საკუთარი ბიზნესებისთვის ციფრული ტრანსფორმაციის სტრატეგიის შექმნაზე და პროექტის დასრულებამდე კონკრეტული ციფრული სერვისის შერჩევასა და დანერგვაზე.

EaP SME's Networking Platform

პროექტის მიზანია ბიზნეს გარემოს გაუმჯობესება და მცირე და საშუალო ბიზნესის კონკურენტუნარიანობის განმტკიცება აღმოსავლეთ პარტნიორობის რეგიონში, SMEs და SMEs კლასტერული ქსელების განვითარებით და EaP SME ბიზნესის გლობალური ღირებულების ჯაჭვის ინტეგრაციის ხელშეწყობით, ინფორმაციის, ცოდნისა და ნოუ-ჰაუს გაზიარებით. V4 ქვეყნების საშუალებით დაარსდა SME მდგრადი ქსელური ონლაინ პლატფორმა აღმოსავლეთ პარტნიორობის ქვეყნებში, რომლებიც ქსელური საქმიანობის განმავლობაში გთავაზობთ საკონსულტაციო, საგანმანათლებლო და ინფორმაციულ მომსახურებას ონლაინ რეგისტრირებული წევრებისთვის.

პროექტის წარმატებული იმპლემენტაციისთვის და საუკეთესო შედეგების მისაღწევად, ჩვენ ჩავრთეთ ბიზნესის დამხმარე ორგანიზაციები, კლასტერები, SMEs ყველა EaP ქვეყნიდან (საქართველო, სომხეთი, აზერბაიჯანი, მოლდოვა, ბელარუსი, უკრაინა)  და სამი V4 ქვეყნებიდან (უნგრეთი, სლოვაკეთი, პოლონეთი). როგორც EaP, ასევე V4 რეგიონებს ექნებათ მეტი შესაძლებლობები, რომ იმუშაონ ერთად და გაუზიარონ ერთმანეთს ის ინფორმაცია, ცოდნა და ექსპერტიზა ონლაინ პლატფორმის მეშვეობით, ასევე შეძლებენ ეფექტიურ კოლაბორაციას, ნეთვორქის განვითარებას და SME კლასტერის განვითარებას და ასევე cluster-to-cluster თანამშრომლობას ევროპაში ეკონომიკური ზრდისთვის.

starta - ქალთა აქსელერაციის პროგრამა

პროექტი ატარებს საპილოტე ხასიათს და შერჩეული იქნება 20 ქალი მეწარმე. აქსელერაციის პროგრამა დაიწყება 2022 წლის იანვრიდან და გაგრძელდება 2022 წლის აგვისტოს ბოლომდე. 
პროექტს ფინანსურად მხარს უჭერს აშშ-ის საერთაშორისო განვითარების სააგენტო (USAID) ეკონომიკური მმართველობის პროგრამის ფარგლებში. 

აქსელერაციის პროგრამა  შექმნილია იმ იდეით, რომ პროგრამის დასრულების შემდეგ მონაწილეს ჰქონდეს ის ცოდნა და უნარები, რომელიც მას დაეხმარება ერთის მხრივ არსებული ბიზნესის სწორად მართვაში და ასევე, სამომავლო ზრდასა და განვითარებაში. კერძოდ, პროგრამა მოიცავს 3 ძირითად კომპონენტს:
•    ტრენინგები
•    მენტორინგის პროგრამა
•    ნეთვორქინგი
მაქსიმალური ეფექტიანობის უზრუნველსაყოფად ტრენინგები და მენტორინგის პროგრამა განხორციელდება პარალელურ რეჟიმში, რაც გულისხმობს იმას, რომ ტრენინგებზე მიღებული ცოდნის გამყარება შესაძლებელი იქნება უშუალოდ პრაქტიკული სამუშაოებით კვალიფიციურ, მდიდარი გამოცდილების მქონე მენტორებთან. ხოლო, ტრენინგებისა და მენტორინგის პროგრამის დასრულების შემდეგ ეფექტიანი ნეთვორქინგის მიზნით დაიგეგმება და განხორციელდება სხვადასხვა აქტივობები. 
Starta-ს ტრენერები და მენტორები არიან მდიდარი თეორიული ცოდნისა და პრაქტიკული გამოცდილების მქონე ადამიანები. ასევე, აქსელერაციის პროცესში მოგიწევთ დაესწროთ სხვადასხვა წარმატებული პროფესიონალების მასტერკლასებს და უშუალოდ მათგან მოისმინოთ პასუხები თქვენთვის საინტერესო კითხვებზე.

იხილეთ მეტი

ვებინარების სერია კრიზისების მართვაში

SMEDA-მ, ფონდ German Sparkassenstiftung Georgia-სთან თანამშრომლობით და მათი მხარდაჭერით განახორციელა პროექტი, რომელიც მოიცავდა 20 ვებინარს საფინანსო ინსტიტუტების თანამშრომლებისთვის.

ვებინარების თემა იყო კოვიდ პანდემიის შედეგად გამოწვეული კრიზისის ანალიზი და კრიზისის მართვის ძირითადი პრინციპების მიმოხილვა როგორც თეორიულად, ისე პრაქტიკული მაგალითების განხილვის საფუძველზე.

პროექტის ფარგლებში გადამზადდა სხვადასხვა საფინანსო ინსტიტუტების დაახლოებით 200-მდე საშუალო და მაღალი რგოლის თანამშრომელი. პროექტში ჩართული იყო სხვადასხვა ტიპის და ზომის ორგანიზაცია, თუმცა განსაკუთრებული ყურადღება დაეთმო მცირე და საშაულო ზომის საფინანსო ინსტიტუტებს და ამავდროულად რეგიონებში მომუშავე თანამშრომლებს.

ვებინარების სერია დაიგეგმა და განხორციელდა 2020 წლის აგვისტო-დეკემბრის განმავლობაში.

მომხმარებელთა უფლებების დაცვის შესახებ ცნობიერების ამაღლება საფინანსო ინსტიტუტებში

პროექტის „პასუხისმგებლიანი დაფინანსება კავკასიაში“ ფარგლებში, ფონდ German Sparkassenstiftung Georgia-სთან თანამშრომლობით, „მცირე და საშუალო მეწარმეობის განვითარების ასოციაციამ“ (SMEDA) განახორციელა ტრენინგების ციკლი საფინანსო ინსტიტუტების თანამშრომლებისთვის. ტრენინგები ჩატარდა თბილისში და რეგიონებში, მათ შორის უპირატესობა მიენიჭა რეგიონებში გადამზადებას.

ტრენინგები მიმდინარეობდა 2019 წლის მეორე ნახევრის განმავლობაში და პროექტის ფარგლებში გადამზადდა დაახლოებით 140 სხვადასხვა საფინანსო ინსტიტუტის თანამშრომელი.

ამავე პერიოდში დაიგეგმა და განხორციელდა პრაქტიკული სახელმძღვანელოს შემუშავება საზოგადოებაში მომხმარებელთა უფლებების შესახებ ცნობიერების ამაღლების მიზნით.